அதிமுக: கிருஷ்ணகிரியில் 'சிவராஜன் போட்டோ புகழ்' நஞ்சே கவுடு

கிருஷ்ணகிரி: கடந்த லோக்சபா தேர்தலில் போட்டியிட்ட அனுபவம் கொண்ட நஞ்சே கவுடு முதல் முறையாக வெற்றி பெற தொகுதியில் சுறுசுறுப்பாக செயல்பட்டு வருகிறார்.

கிருஷ்ணிரி மாவட்டம் தேன்கனிக்கோட்டை அருகே உள்ள கெம்பத்துப்பள்ளி கிராமத்தைச் சேர்ந்தவர் கவுடு. ஒசூரில் வக்கீலாக தொழில் புரிந்து வருகிறார்.

கிருஷ்ணகிரி மாவட்ட அதிமுக வக்கீல் பிரிவு இணை செயலாளராக இருக்கிறார். இவருக்கு பர்வதம்மாள் என்ற மனைவியும், மஞ்சுளா, சவுமியா என்ற மகள்கள் உள்ளனர்.

முன்பு ஒருமுறை ஜெயலலிதாவுடன், சிவராசன், தணு இருப்பது போன்ற போலி புகைப்படம் வெளியாகி பெரும் பரபரப்பை ஏற்படுத்தியது நினைவிருக்கலாம். அதில் சிவராசனாக கூறப்பட்டவர்தான் இந்த நஞ்சே கெளடா.

திமுக ஆட்சிக்காலத்தில் வெளியிடப்பட்ட அந்தப் புகைப்படம் மூலம் நஞ்சே கெளட பிரபலமாகி விட்டார்.

கடந்த லோக்சபா தேர்தலில் சுகவனத்திடம் சுமார் 1 லட்சத்து 19 ஆயிரம் ஓட்டு வித்தியாசத்தில் தோல்வியுற்ற நஞ்சே கெளடா தற்போது தனது அதிர்ஷ்டத்தைப் பரீட்சிக்கவுள்ளார்.