சென்னையில் 18ல் திமுக கூட்டணி பொதுக்கூட்டம்

சென்னை: சென்னையில் வருகிற 18ம் தேதி முதல்வர் கருணாநிதி தலைமையில் திமுக கூட்டணியின் பிரமாண்ட பொதுக்கூட்டம் நடைபெறுகிறது. இதில் கூட்டணி வேட்பாளர்கள் அறிமுகப்படுத்தப்படுகின்றனர்.

18ம் தேதி மாலை 6 மணிக்கு புரசைவாக்கம் தாணா தெருவில் இந்தப் பொதுக்கூட்டம் நடைபெறுகிறது.

முதல்வர் கருணாநிதி, காங்கிரஸ் தலைவர் தங்கபாலு, விடுதலைச் சிறுத்தைகள் தலைவர் திருமாவளவன், இந்திய யூனியன் முஸ்லீம் லீக் தலைவர் காதர் மொய்தீன், தி.க. தலைவர் கி.வீரமணி, எம்.ஜி.ஆர். கழக நிறுவனர் ஆர்.எம். வீரப்பன் உள்ளிட்டோர் இதில் கலந்து கொள்கின்றனர்.

அன்பழகன் தலைமை தாங்குகிறார். இந்தக் கூட்டத்தில் திமுக கூட்டணியின் வேட்பாளர்களை முதல்வர் கருணாநிதி அறிமுகம் செய்து வைத்து உரை நிகழ்த்துவார்.

இந்தக் கூட்டத்திலிருந்து திமுக கூட்டணியின் பிரசாரமும் தொடங்குகிறது.