நடிகர் நெப்போலியனின் தாயார் கார் மோதி பெண் பலி !

உளுந்தூர்பேட்டை: உளூந்தூர்பேட்டை அருகே பெரம்பலூர் தொகுதி திமுக வேட்பாளர் நடிகர் நெப்போலியன் தாயார் சென்ற கார் மோதி பெண் ஒருவர் பலியானார்.

தமிழக போக்குவரத்து துறை அமைச்சர் கே.என். நேருவின் சகோதரியும், பெரம்பலூர் தொகுதி திமுக வேட்பாளர் நடிகர் நெப்போலியனின் தாயாருமான ஜான்பி, தன் உறவினர்களுடன் சென்னையில் இருந்து திருச்சிக்கு காரில் சென்றார்.

கார் உளுந்தூர் பேட்டையை அடுத்த செங்குறிச்சி என்ற இடத்தின் அருகே சென்று கொண்டிருந்த போது அப் பகுதியைச் சேர்ந்த கிளியம்மாள் (58) என்ற பெண் மீது வேகமாக மோதியது.

இதில் அப் பெண் சம்பவ இடத்திலேயே உடல் நசுங்கி பரிதாபமாக உயிரிழந்தார்.

தகவல் அறிந்த உளுந்தூர்பேட்டை போலீசார் சம்பவ இடத்திற்கு விரைந்து சென்று விபத்தில் பலியான கிளியம்மாள் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.

இதனைத் தொடர்ந்து போலீசார் வழக்குப் பதிவு செய்து கார் டிரைவர் சண்முகத்தை கைது செய்தனர்.