திருச்சியில் போட்டியிடும் லலிதா குமாரமங்கலம்

திருச்சி: மறைந்த ரங்கராஜன் குமாரமங்கலத்தின் தங்கையான லலிதா குமாரமங்கலம் இந்த முறை திருச்சியில் போட்டியிடுகிறார்.

53 வயதாகும் லலிதா குமாரமங்கலம், பாஜகவைச் சேர்ந்தவர். கடந்த லோக்சபா தேர்தலில் அவர் புதுச்சேரி லோக்சபா தொகுதியில் போட்டியிட்டு தோல்வி அடைந்தார். தனது சகோதரர் மறைவைத் தொடர்ந்து லலிதா அரசியலுக்கு வந்தார்.

இந்த நிலையில் தற்போது அவர் திருச்சி தொகுதியில் பாஜக சார்பில் நிறுத்தப்பட்டுள்ளார்.

பாஜக தேசிய செயற்குழு உறுப்பினராக தற்போது லலிதா இருக்கிறார். கட்சியின் தேசிய செயலாளராக முன்பு பணியாற்றியுள்ளார்.

டெல்லி செயின்ட் ஸ்டீபன்ஸ் கல்லூரியில் பி.ஏ. பொருளாதாரம் பட்டம் பெற்றவர். சென்னை பல்கலைக்கழகத்தில் எம்.பி.ஏ. முடித்தவர்.

கடந்த பல வருடங்களாக பிரக்ருதி என்ற என்.ஜி.ஓ. அமைப்பை நடத்தி வருகிறார் லலிதா.

தேர்தலின்போது மட்டுமே தீவிர அரசியலில் தலை காட்டுவார் லலிதா குமாரமங்கலம். கடந்த முறை புதுச்சேரியில் விட்டதை இம்முறை திருச்சியில் பிடிப்பாரா என்பதை பார்க்கலாம்.