அதிமுக-2வது போய் 3வது வேட்பாளரான வேணுகோபால்!

திருவள்ளூர்: திருவள்ளூர் தனி தொகுதியின் வேட்பாளராகியுள்ள டாக்டர் வேணுகோபாலுக்கு உண்மையிலேயே அதிர்ஷ்டம் நிறைய இருக்கிறது என்றுதான் கூற வேண்டும்.

டாக்டர் வேணுகோபால், அதிமுக மருத்துவர் அணியின் மாநிலச் செயலாளராக இருக்கிறார். 56 வயதாகும் இவர் சென்னை கொடுங்கையூரில் உள்ள ஜி.கே.எம். காலனியில் வசித்து வருகிறார்.

இவரது சொந்த ஊர் திருவள்ளூர் அருகே உள்ள மப்பேடு கிராமம் ஆகும்.

கடந்த லோக்சபா தேர்தலில் இவர் ஸ்ரீபெரும்புதூர் தொகுதியில் அதிமுக சார்பில் போட்டியிட்டவர். அத்தேர்தலில் திமுக வேட்பாளர் கிருஷ்ணசாமியிடம் தோல்வியுற்றார்.

இந்தத் தேர்தலிலும் சீட் கிடைக்கும் என்ற நம்பி்க்கையில் இருந்தார் டாக்டர். ஆனால் சீட் ராஜனுக்குப் போனது. ஆனால் அவரது துரதிர்ஷ்டம் அவர் நீக்கப்பட்டு இன்பராஜிடம் போனது. ஆனால் வேணுகோபாலின் அதிர்ஷ்டம், இன்பராஜ் நீக்கப்பட்டு வேணுகோபால் வேட்பாளராகியுள்ளார்.

கடந்த முறை ஸ்ரீபெரும்புதூரில் விட்டதை இந்த முறை திருவள்ளூரில் பிடித்து விடலாம் என்ற நம்பிக்கையில் உள்ளார் வேணுகோபால்.