மதுரையில் திமுக தேர்தல் அலுவலகங்கள் தீவைத்து எரிப்பு

மதுரை: மதுரையில் திமுக தேர்தல் அலுவலகங்களை அடையாளம் தெரியாத ஒரு கும்பல் தீவைத்து எரித்தது. இதனால் அங்கு பதட்டம் நிலவுகிறது.

மதுரையில் திமுக சார்பில் மு.க.அழகிரி போட்டியிடுகிறார். சிபிஎம் சார்பில் தற்போதைய எம்.பி. பி.மோகன் போட்டியிடுகிறார்.

இந்த நிலையில் அங்கு திமுக தேர்தல் அலுவலகங்கள் ஒரு கும்பலால் தீவைத்து எரிக்கப்பட்டுள்ளது.

நேற்று நள்ளிரவுக்கு மேல் சிலர் வந்து இந்த அலுவலகங்களை தீ வைத்து எரித்ததாக கூறப்படுகிறது. மொத்தம் நான்கு அலுவலகங்கள் தீவைத்து எரிக்கப்பட்டுள்ளன.

இதுகுறித்து போலீஸார் வழக்குப் பதிவு செய்து விசாரணை நடத்தி வருகின்றனர்.