0.18 % ஆகக் குறைந்தது பணவீக்கம்.. ஆனால் விலைவாசி,

டெல்லி: நாட்டின் பணவீக்கம் மேலும் குறைந்து 0.18 சதவீதத்துக்கு வந்துள்ளது. இத்தனை ஆண்டுகளில் இல்லாத மிகக் குறைந்த அளவு இதுவே.

இத்தனைக்கும் ஏப்ரல் 4-ம் தேதியோடு முடிவடைந்த வாரத்தில், மொத்த விலைக் குறியீட்டெண் கணக்குப்படி உணவுப் பொருட்கள் உள்பட பல்வேறு பொருட்களின் விலைகளும் குறைந்தே காணப்பட்டன.

கடந்த வாரம் பணவீக்க அளவு 0.26 சதவீதமாக இருந்தது. கடந்த ஆண்டு இதே காலகட்டத்தில் இந்தியப் பணவீக்கம் 7.71 சதவீதமாக இருந்தது.

இன்னும் இரண்டு வாரங்களில் பணவீக்கம் -2.80 சதவீதத்துக்கு சென்றுவிடும் என ஒரு ஆய்வு கூறுகிறது.

ஆனால் இதுவரை எந்தப் பொருளின் சில்லறை விற்பனை விலையும் சற்றும் குறைந்ததாகத் தெரியவில்லை. மாறாக, காய்கறிகள், இறைச்சி போன்ற அத்தியாவசியப் பொருட்களின் விலை 6 சதவீதம் வரை உயர்ந்திருக்கிறது.