திமுகவைத் தொடர்ந்து அதிமுக அலுவலகம் எரிப்பு

மதுரை: திமுக தேர்தல் அலுவலகங்களைத் தொடர்ந்து தற்போது அதிமுக தேர்தல் அலுவலகத்தை சிலர் தீவைத்துக் கொளுத்தியுள்ளனர். இதனால் மதுரையில் பதட்டம் நிலவுகிறது.

மதுரையில் சமீபத்தில் நள்ளிரவில் நான்கு திமுக தேர்தல் அலுவலகங்கள் தீவைத்து எரிக்கப்பட்டன. இதுகுறித்து போலீஸார் வழக்குப் பதிவு செய்து விசாரித்து வருகின்றனர்.

இந்த நிலையில் அதிமுக தேர்தல் அலுவலகத்தை சிலர் தீவைத்து எரித்து விட்டனர்.

பொன்மேனி - சம்மட்டிபுரம் சாலையில் உள்ள அந்த தேர்தல் அலுவலகம் நேற்று இரவு தீவைத்து எரிக்கப்பட்டது.

இதுகுறித்து அதிமுகவினர் புகார் கொடுத்துள்ளனர். அதன் பேரில் போலீஸார் விசாரணை நடத்தி வருகின்றனர்.