விருதுநகர்-வைகோவை சந்திக்கும் காங். 'காண்டிராக்டர்'

விருதுநகர்: வெளிநாடுகளில் கட்டுமானப் பணி ஒப்பந்தகாரராக இருக்கும் சுந்தரவடிவேல் விருதுநகர் தொகுதியில் போட்டியிடுகிறார்.

பி.ஏ., பி.எல் படித்தவர் சுந்தரவடிவேல். 47 வயதாகும் இவரது முக்கிய தொழில் வெளிநாடுகளில் கட்டட கட்டுமான காண்டிராக்ட்தான். முன்னாள் மாநில பொதுச் செயலாளராக இருந்தவர்.

அகமுடையார் வகுப்பைச் சேர்ந்தவர். சொந்த ஊர் விருதுநகர்.

பலம் பொருந்திய வைகோவை எதிர்த்து களம் இறக்கப்பட்டுள்ளார் சுந்தரவடிவேல். இருப்பினும் வைகோ என்ற மலையுடன் ஒப்பிடுகையில், சுந்தரவடிவேல் படு பலவீனமாகத்தான் தெரிகிறார்.

இருப்பினும் யானையின் காதில் புகுந்த எறும்பு போல சுந்தரவடிவேல், வைகோவுக்கு குடைச்சல் கொடுப்பாரா என்பது அவரது பிரசாரத்தைப் பொறுத்தே அமையும்.