திண்டுக்கல்- சித்தன் 4வது முறையாக போட்டி

திண்டுக்கல்: திண்டுக்கல் தொகுதியில் 3 முறை போட்டியிட்டு இரண்டு முறை வென்ற என்.எஸ்.வி.சித்தன் தற்போது நான்காவது முறையாக களம் காண்கிறார்.

சித்தன் பிறந்த ஊர் மதுரை மாவட்டம் திருமங்கலம். தந்தை பெயர் வீரபத்திர தேவர். சகுந்தலா என்ற மனைவியும், ஒரு மகன், 3 மகள்களும் உள்ளனர்.

சென்னை பல்கலைக்கழகத்தில் பி.ஏ படித்தவர்.

1967 முதல் 71 வரையிலும், பின்னர் 80 முதல் 88 வரையிலும் சட்டசபை உறுப்பினராக இருந்தார்.

1980 முதல் 84 வரை சட்டசபை எதிர்க்கட்சித் துணைத் தலைவராகவும், காங்கிரஸ் சட்டமன்ற கட்சி துணைத் தலைவராகவும் இருந்தார்.

1996ம் ஆண்டு முதல் முறையாக லோக்சபா உறுப்பினர் ஆனார்.

1996 முதல் 97 வரை லோக்சபா தமாகா தலைவராக இருந்தார்.

1998ம் ஆண்டு நடந்த லோக்சபா தேர்தலில் அதிமுகவின் திண்டுக்கல் சி.சீனிவாசனிடம் தோல்வியுற்றார்.

2004ம் ஆண்டு 2வது முறையாக லோக்சபா உறுப்பினரானார்.

ஜி.கே.வாசன் கோஷ்டியைச் சேர்ந்த சித்தன், கடும் எதிர்ப்புகள், இடையூறுகளை மீறி மீண்டும் சீட் பெற்றுள்ளார். அதேபோல வெற்றியும் பெறுவாரா என்பதை பொறுத்திருந்து பார்க்க வேண்டும்.