திமுக பிரசார சிடி வெளியீடு.. நாக்க முக்க, விஜய் பட மெட்டுக்களில் பாடல்கள்

சென்னை: திமுகவின் லோக்சபா தேர்தல் பிரசார சிடி வெளியிடப்பட்டுள்ளது. அதில் தமிழ்நாட்டையே குலுங்க வைத்த நாக்க முக்க மற்றும் விஜ்ய நடித்த அழகிய தமிழ் மகன் படத்தில் இடம் பெற்ற பாடல்களின் மெட்டுக்களில் பாடல்கள் இடம் பெற்றுள்ளன.

நேற்று சென்னையில் நடந்த திமுக கூட்டணி வேட்பாளர் அறிமுகக் கூட்டத்தின்போது திமுக பிரசார பாடல் சிடியை முதல்வர் கருணாநிதி வெளியிட்டார். அமைச்சர் அன்பழகன் பெற்றுக் கொண்டார்.

மொத்தம் 10 பாடல்கள் இதில் இடம் பெற்றுள்ளன. அதில் நாக்கமுக்க பாடல் மெட்டில் ஒரு பாடல் இடம் பெற்றுள்ளது.

அதேபோல விஜய் நடித்த அழகிய தமிழ் மகன் படத்தில் இடம் பெற்ற எல்லாப் புகழும் ஒருவன் ஒருவனுக்கே என்ற பாடல் மெட்டிலும் ஒரு பாடலைப் போட்டுள்ளனர்.

இந்த இரண்டு பாடல்களையும் நேற்று மேடையில் ஒலிக்க விட்டனர். இதைக் கேட்டு திமுகவினர் ஆரவாரத்தோடு ஆட்டம் பாட்டத்துடன் ரசித்தனர். இதைப் பார்த்து கருணாநிதி சிரித்தபடி ரசித்தார்.