திமுகவுக்கு மியாகான் ஆதரவு-கருணாநிதியை சந்தித்தார்

சென்னை: திமுக தலைவரும், தமிழக முதல்வருமான கருணாநிதியை நேரில் சந்தித்து இந்திய முஸ்லிம் லீக் கட்சியின் தமிழக தலைவர் தாவூத் மியாகான் தனது ஆதரவை தெரிவித்துள்ளார்.

காயிதே மில்லத்தின் பேரனும், இந்திய முஸ்லீம் லீக் கட்சியின் மாநிலத் தலைவருமான தாவூத் மியாகான் கடந்த 2006 சட்டசபை தேர்தலில் அதிமுக கூட்டணியில் இணைந்து கருணாநிதிக்கு எதிராக சேப்பாக்கத்தில் போட்டியிட்டவர்.

இதில் தாவூத் மியாகான் சுமார் 8 ஆயிரத்து 418 ஓட்டுக்கள் வித்தியாசத்தில் வெற்றியை தவறவிட்டார்.

இந்நிலையில் நேற்று தாவூத் மியாகான் முதல்வர் கருணாநிதியை அவரது இல்லத்துக்கு சென்று நேரில் சந்தித்து தங்களது ஆதரவை தெரிவித்துள்ளார். மத்திய சென்னை திமுக வேட்பாளர் தயாநிதி மாறன் மற்றும் முதல்வரின் மகன் தமிழரசு ஆகியோர் உடன் இருந்தனர்.

தாவூத் மியாகானின் இந்திய முஸ்லீம் லீக் கட்சிக்கு மத்திய சென்னை தொகுதியில் நல்ல ஓட்டுவங்கி இருப்பதால் தயாநிதி மாறனின் வெற்றி வாய்ப்பு அதிகரித்துள்ளது.