பணவீக்கம் இந்த வாரம் 0.26 சதவீதம்!

டெல்லி: பூஜ்யத்தை நெருங்குவதும் பின்னர் விலகுவதுமாக ஊசலாடிக்கொண்டிருக்கிறது இந்தியப் பணவீக்கம்.

ஏப்ரல் 11ம் தேதியுடன் முடிவடைந்த வாரத்துக்கான் கணக்கீட்டின்படி, இந்தியப் பணவீக்கம் 0.18 சதவீதத்திலிருந்து 0.26 சதவீதமாக உயர்ந்துள்ளது.

மொத்தவிலைக் குறியீட்டெண் கணக்கீட்டின்படி, அத்தியாவசியப் பொருட்களான தானிய வகைகள், பருப்பு, முட்டை, உப்பு, பழங்கள் மற்றும் காய்கறிகளின் விலையில் உயர்வு ஏற்பட்டுள்ளதால் பணவீக்கத்திலும் லேசான உயர்வு ஏற்பட்டுள்ளதாகக் கூறப்படுகிறது.

இதே நாளில் கடந்த ஆண்டு பணவீக்கம் 7.95 சதவீதமாக இருந்தது.

கடந்த சில தினங்களுக்கு முன்புதான் இந்திய ரிசர்வ் வங்கி தனது ரெபோ ரேட் மற்றும் ரிவர்ஸ் ரேட்டை 25 புள்ளிகள் அடிப்படையில் குறைத்திருந்தது.