காஞ்சிபுரம் காங் வேட்பாளர் விஸ்வநாதன்

விருதுநகர்: காஞ்சிபுரம் தொகுதிக்கு கடும் இழுபறிக்குப் பின்னர் வேட்பாளராக அறிவிக்கப்பட்டுள்ளார் விஸ்வநாதன்.

இவர் மத்திய நிதியமைச்சர் ப.சிதம்பரத்தின் ஆதரவாளர் ஆவார்.

தனித் தொகுதியான காஞ்சிபுரத்திற்கு மட்டும் வேட்பாளரை அறிவிப்பதில் காங்கிரஸ் கட்சிக்குள் பெரும் குழப்பம் ஏற்பட்டது.

இந்த நிலையில் ஒரு வழியாக இன்று தனது வேட்பாளரை அறிவித்தது காங்கிரஸ்.

கடலூரைச் சொந்த ஊராகக் கொண்ட விஸ்வநாதன், ஸ்டேட் வங்கி இயக்குநர்களில் ஒருவராக உள்ளார்.

எம்.ஏ. படித்தவர். பத்மினி என்ற மனைவியும், சுஷ்மிதா என்ற மகளும் உள்ளனர். பத்மினி மதுரை கல்லூரியில் பேராசிரியையாக பணியாற்றி வருகிறார்.

விஸ்வநாதன் காங்கிரஸ் கமிட்டியில் உறுப்பினராக உள்ளார். காங்கிரஸ் கட்சியில் பல்வேறு பொறுப்புகளை வகித்துள்ளார்.