ஸ்டாலின் பிரசாரத்தில் நெல்லை 'மிஸ்ஸிங்'

நெல்லை: உள்ளாட்சி துறை அமைச்சர் முக ஸ்டாலினின் சமீபத்திய தேர்தல் சுற்றுப்பயணத்தில் நெல்லை இடம்பெறவில்லை. இதையடுத்து அப்பகுதி திமுகவினர் ஏமாற்றம் அடைந்துள்ளனர்.

திமுக கூட்டணியில் நெல்லை மாவட்டத்தில் உள்ள நெல்லை மற்றும் தென்காசி என இரண்டு தொகுதிகளும் காங்கிரசுக்கு ஒதுக்கப்பட்டது. இதனால் அப்பகுதியில் திமுகவினர் இடையே லேசான அதிருப்தி ஏற்பட்டது.

இந்நிலையில் சமீபத்தில் தென் மாவட்டங்களில் தேர்தல் பிரச்சாரம் மேற்கொண்ட ஸ்டாலின் நாகர்கோவிலில் ஹெலன் டேவிட்சன்னையும், தூத்துக்குடியில் ஜெயதுரையும் ஆதரித்து பேசினார்.

ஆனால், அவரது சுற்றுபயண திட்டத்தில் நெல்லை மாவட்டம் இடம் பெறவில்லை. இது அம்மாவட்ட திமுகவினருக்கு பெரும் ஏமாற்ற்த்தை கொடுத்துள்ளது.

இதையடுத்து மாவட்ட திமுக மற்றும் கூட்டணி கட்சியினர், தமிழக முதல்வர் கருணாநிதி, அமைச்சர் ஸ்டாலின் ஆகியோரை நெல்லை மாவட்டத்தில் பிரசாரத்திற்கு அழைத்து வர கட்சி தலைமையிடம் வலியுறுத்தி வருகின்றனர்.