மதுரை கம்யூ. வேட்பாளர் மருத்துவமனையில் அனுமதி
மதுரை: மதுரை தொகுதி மார்க்சிஸ்ட் கம்யூனிஸ்ட் வேட்பாளர் மோகன் மூல நோய் காரணமாக மருத்துவமனையில் அனுமதிக்கப்பட்டுள்ளார்.
கடந்த இரு முறை இந்தத் தொகுதியில் எம்பியாக தேர்ந்தெடுக்கப்பட்ட மோகன் இம்முறை மீண்டும் போட்டியிட்டு திமுகவின் அழகிரியை எதிர் கொண்டுள்ளார்.
இதனால் மிகத் தீவிரமாக பிரச்சாரத்தில் ஈடுபட்டிருந்தார். இந் நிலையில்
இன்று காலை அவருக்கு திடீரென வலி ஏற்பட்டது.
வலி பொறுக்க முடியாமல் துடித்த அவர் மதுரை அப்பல்லோ மருத்துவமனைக்குக் கொண்டுவரப்பட்டார். மூல நோயால் அவதிப்பட்டு வரும் அவர் ஏற்கனவே சென்னை அப்பல்லோ மருத்துவமனையில் சிகிச்சை பெற்றுள்ளார்.
எனவே சென்னையிலேயே சிகிச்சை பெற விரும்பிய அவர் ஆம்புலன்சிலேயே சென்னை கொண்டு செல்லப்பட்டுள்ளார்.
அழகிரிக்கு ஆதரவு தந்த சமாஜ்வாடி வேட்பாளர்:
இதற்கிடையே மதுரையில் வேட்பு மனு தாக்கல் செய்த சமாஜ்வாடி கட்சியின் வேட்பாளர் ராஜேந்திரன் தனது மனுவை வாபஸ் வாங்கிக் கொண்டு அழகிரிக்கு சால்வையைப் போர்த்தி தனது ஆதரவை தெரிவித்துவிட்டாராம்.
என்ன நடந்துச்சோ...!