For Daily Alerts
Just In
கொளுத்தும் வெயில்-மயங்கி விழுந்த செம்மலை
சேலம் தொகுதியில் திமுக கூட்டணி சார்பில் காங்கிரஸ் தலைவர் தங்கபாலு போட்டியிடுகிறார். இவரை எதிர்த்து அதிமுக வேட்பாளராக முன்னாள் அமைச்சர் செம்மலை களமிறக்கப்பட்டுள்ளார்.
இதையடுத்து அவர் சேலம் தொகுதியில் தீவிர பிரசாரம் செய்து வருகிறார். லையன்மேடு பகுதியில் கொளுத்தும் வெயிலில் மத்திய மற்றும் மாநில அரசுகளின் செயல்பாடுகளை கடுமையாக விமர்சனம் செய்தார். அப்போது பேச்சை கேட்க மக்கள் அதிகம் கூடியதால் அவர் பேச்சில் ஆவேசத்தை அதிகரித்தார்.
ஆவேசமாக பேசி கொண்டிருந்த அவர் திடீரென மயங்கி சரிந்து விழுந்தார். இதையடுத்து அருகில் இருந்தவர்கள் அவரை தாங்கிப்பிடித்து காயம் ஏற்படாமல் காப்பாற்றினர்.
பின்பு டாக்டர்கள் வரவழைக்கப்பட்டு அவருக்கு முதலுதவி அளிக்கப்பட்டது. சிறிது நேர இடைவெளிக்கு பின்பு அவர் வழக்கம் போல் பிரச்சாரத்தை தொடர்ந்தார்.
Comments
Story first published: Friday, May 1, 2009, 16:45 [IST]