திமுக வேட்பாளருக்கு ஆதரவாக திராவிட விடுதலை சிங்கங்கள் நூதன பிரசாரம்!

கரூர்: கரூரில் திமுக வேட்பாளர் கே.சி.பழனிசாமிக்கு ஆதரவாக திராவிட விடுதலை சிங்கங்கள் என்ற அமைப்பு விசிட்டிங் கார்டில் தேர்தல் பிரச்சாரத்தை செய்து வருகின்றது.

தேர்தல் களம் சூடு பிடித்து வரும் நிலையில் தமிழகத்தில் தங்களது கட்சி வேட்பாளருக்கும், கூட்டணி வேட்பாளர்களுக்கும் ஒரு சில அமைப்புகள் நூதனமான முறையில் டிஜிட்டல் பேனர், நோட்டீஸ், கடிதம், போன்ற முறையில் தேர்தல் பிரச்சாரம் செய்வது வழக்கம்.

ஆனால், இந்த முறை கரூரில் திமுக சார்பில் போட்டியிடும் கே.சி.பழனிசாமிக்கு ஆதரவாக திராவிட விடுதலை சிங்கங்கள் என்ற அமைப்பு ஆதரவு தெரிவித்து பட்டி தொட்டி எங்கும் பிரச்சாரம் செய்து வருகின்றது.

இதில் ஒரு வித்தியாசம் என்ற வென்றால் விசிட்டிங் கார்ட்டுகளில் உதய சூரியன் சின்னத்துடன் திமுகவுக்கு வாக்களியுங்கள் என்று கூறி திமுக வேட்பாளர் கேசி.பழனிசாமி்க்கு ஆதரவு திரட்டி வருகின்றனர்.

விசிட்டிங் கார்ட்டை வாங்கிப் பார்க்கும் பலரும் என்னவோ ஏதோ என நினைத்து வாங்கிப் பார்க்க, பிறகுதான் அது விசிட்டிங் கார்டு அல்ல, பிரசார அட்டை என அறிந்து அசந்து போகின்றனர்.

தேர்தல் முடியும் வரை இப்படித்தான் வித்தியாசத்தில் அசத்திக் கொண்டிருப்பார்கள் நம்மவர்கள்..