அத்வானி 7ம் தேதி தமிழகம் வருகை-சென்னை, ராமநாதபுரத்தில் பிரசாரம்
சென்னை: நாடாளுமன்ற தேர்தல் பிரசாரத்துக்கு இரண்டாவது முறையாக பாஜக பிரதம வேட்பாளர் அத்வானி வரும் 7ம் தேதி தமிழகத்துக்கு வருகிறார். அப்போது அவர் சென்னை மற்றும் ராமநாதபுரத்தில் தேர்தல் பிரசாரம் செய்ய இருக்கிறார்.
தமிழகத்தில் வரும் 13ம் தேதி ஒரே கட்டமாக வாக்குப்பதிவு நடைபெறுகிறது. இதில் பாஜக தனியாக கூட்டணி அமைத்து போட்டியிடுகிறது. இவர்களுடன் சரத்குமாரின் சமக, கார்த்திக்கின் நாடாளுமன்ற கட்சி உள்ளிட்ட கட்சிகள் இணைந்துள்ளன.
இதில் பாஜக 13 தொகுதிகளில் போட்டியிடுகிறது. கடந்த மாதம் கன்னியாகுமரி தொகுதியில் இருந்து தனது தேர்தல் பிரசாரத்தை துவக்கிய அத்வானி தற்போது இரண்டாவது முறையாக தமிழகத்தில் பிரசாரம் செய்ய வரும் 7ம் தேதி வருகிறார்.
அவர் சென்னை மற்றும் ராமநாதபுரத்தில் பிரசாரம் செய்ய இருக்கிறார். அவர் தென் சென்னையில் நிற்கும் இல கணேசன் மற்றும் ராமநாதபுரத்தில் போட்டியிடும் திருநாவுக்கரசர் ஆகியோருக்கு ஆதரவாக வாக்குசேகரிக்க இருக்கிறார்.