புதுச்சேரியில் இ.யூ. முஸ்லீம் லீக் பிரச்சாரம்

புதுச்சேரி: புதுச்சேரியில் இந்திய யூனியன் முஸ்லிம் லீக் சார்பில் இன்று தேர்தல் பிரசார கூட்டம் நடைபெறுகிறது.

இக்கூட்டத்தில் கட்சியின் அகில இந்திய தலைவரும் மத்திய அமைச்சருமான அஹ்மத், பொதுச் செயலாளரும் தமிழக தலைவருமான பேராசிரியர் கே.எம்.காதர் மைதீன், கேரளா மாநில பொதுச் செயலாளர் குஞ்சாலி குட்டி, தமிழ் மாநில மார்க்க அணிச் செயலாளர் ஷபிகுர் ரஹ்மான் ஆகியோர் பங்கேற்கின்றனர்.

புதுவை மாநில முஸ்லிம் லீக் தலைவர் மாஹீ சுலைமான் ஹாஜி, புதுவை மாவட்டத் தலைவர் அப்துல்காதர், விழுப்புரம் மாவட்டச் செயலாளர் அன்வர் பாட்சா உள்ளிட்ட நிர்வாகிகள் இதில் பேசுகின்றனர்.

இதைத் தொடர்ந்து வேலூர் தொகுதி முஸ்லிம் லீக் வேட்பாளர் அப்துல் ரஹ்மானை ஆதரித்து இந்தத் தலைவர்கள் பிரசாரம் மேற்கொள்கின்றனர்.