சென்னையில் 9ம் தேதி மன்மோகன் சிங் பிரசாரம்

சென்னை: பிரதமர் மன்மோகன் சிங் 9ம் தேதி சென்னையில் பிரசாரத்தில் பங்கேற்கிறார். நாளை மாலை மதுரையில் பிரசாரம் செய்கிறார் ராகுல் காந்தி.

சென்னையில் தமிழக சட்டசபை காங்கிரஸ் தலைவர் சுதர்சனம் இன்று செய்தியாளர்களிடம் இதுகுறித்துக் கூறுகையில், காங்கிரஸ் பொதுச் செயலாளர் ராகுல் காந்தி நாளை மாலை பிரசாரத்திற்காக மதுரை வருகிறார்.

பிரதமர் மன்மோகன் சிங் சனிக்கிழமை சென்னையில் பிரசாரக் கூட்டத்தில் கலந்து கொண்டு பேசுகிறார்.

பிற்பகலி்ல் சென்னை வரும் பிரதமர் முதல்வர் கருணாநிதியை சந்தித்து உடல் நலம் விசாரிக்கிறார். பின்னர் பத்திரிக்கையாளர்களைச் சந்திக்கிறார். மாலையில் பிரசாரப் பொதுக் கூட்டத்தில் கலந்து கொள்கிறார்.

அவரது பிரசாரக் கூட்டம் எங்கு நடைபெறும் என்பது இன்னும் முடிவாகவில்லை. சில இடங்களைப் பார்த்து வருகிறார்கள். முடிவானதும் அறிவிக்கப்படும் என்றார்.