அனில் அம்பானியின் மீடியா பிபிஓ!

மும்பை: அனில் திருபாய் அம்பானி குழுமத்தின் ஆட்லேப்ஸ் நிறுவனம் தனது மீடியா அவுட்சோர்ஸிங் வர்த்தகத்தை துவங்கியுள்ளது.

மீடியா உலகில் இன்று ஏற்பட்டுவரும் வேகமான மாற்றங்கள் மற்றும் தேவைகளைக் கருத்தில் கொண்டு இந்த 'ஒன் பாய்ண்ட்' சேவையை ஆட்லேப்ஸ் துவங்கியுள்ளது. இதன்படி டிஜிட்டல் மீடியா தொடங்கி பிரிண்ட் மீடியாவரை அனைத்துக்கும் தேவைப்படும் உள்ளடக்கம், வீடியோ, வடிவமைத்தல் போன்ற அனைத்து பணிகளையும் ஒரே இடத்தில் செய்து கொள்ள முடியும் என அறிவித்துள்ளார் ஆட்லேப்ஸ் தலைமை செயல் அலுவலர் அனில் அர்ஜுன்.

இந்த சேவையை உலகம் முழுக்க மேற்கொள்ளப் போவதாகவும் தெரிவித்துள்ளார் அனில் அர்ஜுன்.

டிஜிட்டல் மீடியா உலகுக்குத் தேவையான வீடியோ டப்பிங், என்கோடிங், டிரான்ஸ்கோடிங், மெடா டாக்கிங் உள்ளிட்ட அனைத்துப் பணிகளையும் அவுட்ஸோர்ஸிங் முறையில் இங்கு செய்து தருகிறார்கள்.

இந்த பிரிவில் மட்டும் ஆட்லேப்ஸின் 300 பணியாளர்கள் வேலை செய்கின்றனர்.