புதுவைப் பேராசிரியர் முனைவர் மு.இளங்கோவனுக்கு சிறந்த வலைப்பதிவர் விருது
சென்னையில் உள்ள தமிழ் ஸ்டுடியோ.காம் என்ற அமைப்பு குறும்படம் பற்றிய விழிப்புணர்ச்சியை மக்களிடம் ஏற்படுத்துவதுடன் தமிழ் இணையத்தில் பணிபுரிபவர்களை ஊக்குப்படுத்தும் வகையில் சிறந்த வலைப்பதிவர்களை அடையாளம் கண்டு அவர்களுக்கு விருது வழங்கிப் பாராட்டி வருகிறது.
நேற்று சென்னை இக்சா மையத்தில் நடைபெற்ற விழாவில் பல்வேறு திரைப்படத்துறை இயக்குநர்கள், நடிகர்கள், எழுத்தாளர்கள் முன்னிலையில் சிறந்த வலைப்பதிவருக்கான விருதைப் புதுவை பாரதிதாசன் அரசு மகளிர்கல்லூரியில் தமிழ் விரிவுரையாளராகப் பணிபுரியும் முனைவர் மு.இளங்கோவனுக்கு வழங்கிப் பாராட்டினர்.
இதற்கு முன் இணையத் தமிழறிஞர் விருதைத் தருமபுரித் தமிழ்ச்சங்கம் வழங்கிப் பேராசிரியரைப் பாராட்டியுள்ளது. தமிழ் அறிஞர்களின் வாழ்க்கை வரலாறு, இலக்கியம், இலக்கணம், கல்வெட்டு, சிற்பம், நாட்டுப்புறக்கலைகள் சார்ந்த செய்திகளைத் தம் வலைப்பதிவுகளில் தொடர்ந்து மு.இளங்கோவன் எழுதி வருகிறார்.
இதுவரை முந்நூறுக்கும் மேற்பட்ட தரமான பதிவுகளைத் தம் வலைப்பக்கத்தில் பதிந்துள்ளார். தமிழகத்தின் பல கல்லூரிகள்,பல்கலைக்கழகங்களில் மாணவர்களுக்கு இணையம்,கணிப்பொறி பற்றித் தமிழ்வழியில் இலவசமாக வகுப்பெடுத்து வருகிறார்.
முனைவர் மு.இளங்கோவனின் வலைப்பூ முகவரி:
http://muelangovan.blogspot.com/