சென்னையில் ரூ.100 கோடியில் அமெரிக்க தொழிற்சாலை

சென்னை: வெல்டிங் பொருள்கள் தயாரிக்கும் நிறுவனமான அமெரிக்காவின் லிங்கன் எலெக்ட்ரிக் சென்னை அருகே ரூ.100 கோடி மதிப்பிலான புதிய ஆலையை திங்கள்கிழமை தொடங்கியது.

மகிந்திரா சிட்டியில் 1 லட்சம் சதுர அடி பரப்பில் துவங்கப்பட்டுள்ள இந்த புதிய ஆலையின் ஆரம்ப உற்பத்தித் திறன் ஆண்டுக்கு 15 ஆயிரம் டன்கள்.

பெரிய தொழிற்சாலைகள், கட்டடங்கள் மற்றும் பைப்லைன் வெல்டிங்குக்கு தேவையான திடமான வெல்டிங் வயர்கள் உள்ளிட்ட பொருட்கள் இங்கு தயாராகும்.

"லிங்கன் நிறுவனத்தின் முக்கியமான தொழிற்சாலையாக இந்த சென்னை யூனிட்டைக் கருதுகிறேன். இந்திய அளவுல் இந்த ஆலைக்கு பெரும் முக்கியத்துவம் உள்ளது. வரும் நாட்களில் இதன் முதலீட்டு அளவு மற்றும் உற்பத்தித் திறன் அதிகப்படுத்தப்படும்", என்றார் லிங்கன் நிறுவன தலைவர் ஸ்ட்ரோப்கி, இதன் துவக்க விழாவில்.