தங்கம்: கிராமுக்கு ரூ. 20 உயர்வு!

சென்னை: தங்கத்தின் விலை இன்று ஒரு நாளில் மட்டும் கிராமுக்கு ரூ.20 உயர்ந்தது.

சில வாரங்களுக்கு முன் தங்கத்தின் விலை இறங்குமுகமாகவே இருந்தது. ஆனால் கடந்த நான்கு தினங்களாக தங்கத்தின் விலையில் தொடர்ச்சியான ஏற்றம் தெரிகிறது.

கடந்த திங்களன்று ஆபரண தங்கத்தின் விலை ஒரு கிராம் ரூ.1355 ஆக இருந்தது. அதற்கு அடுத்த நாளே கிராமுக்கு ரூ.8 உயர்ந்தது.

தேர்தலை முன்னிட்டு விடுமுறை என்பதால், முந்தைய நாள் விலையிலேயே விற்கப்பட்டது. ஆனால் இன்று அதற்கு வட்டியும் முதலுமாக விலை ஏறியுள்ளது.

இன்று மட்டும் கிராமுக்கு ரூ.20 உயர்ந்து, பவுன் ரூ.11064 ஆக விற்பனையானது. தேர்தல் முடிவுகள் அறிவிக்கப்படும்வரை இந்தப் போக்கு தொடரும் என தங்க நகை விற்பனையாளர்கள் தெரிவிக்கின்றனர்.