வோக்ஸ்வேகனுடன் டிசிஎஸ் 5 ஆண்டு ஒப்பந்தம்

மும்பை: இந்தியாவின் முன்னணி சாப்ட்வேர் ஏற்றுமதியாளரான டிசிஎஸ் நிறுவனம், இங்கிலாந்தைச் சேர்ந்த வோக்ஸ்வேகன் யுகே வாகன உற்பத்தி நிறுவனத்துடன் ஐந்து ஆண்டு ஒப்பந்தம் ஒன்றை மேற்கொண்டுள்ளது.

புதன்கிழமை இது தொடர்பான ஒப்பந்தம் கையெழுத்தானது. வோக்ஸ்வேகன் நிறுவனத்திற்குத் தேவையான ஐடி சேவைகள் மற்றும் ஆதரவு சேவைகளை டிசிஎஸ் செய்து கொடுக்கும்.

இந்த ஒப்பந்தத்தின் நிதி மதிப்பு குறித்து தகவல்களை இரு நிறுவனங்களும் வெளியிடவில்லை.

வோக்ஸ்வேகனின் இங்கிலாந்துப் பிரிவுகள் அனைத்துக்கும், தனது சாப்ட்வேர் சேவையை இந்த ஒப்பந்தத்தின் மூலம் செய்யவுள்ளது டிசிஎஸ். மேலும் ஆடி, சியட், ஸ்கோடா, வோக்ஸ்வேன் பாசஞ்சர் கார்கள், வோக்ஸ்வேகன் கமர்ஷியல் வாகனங்கள் உள்ளிட்ட அனைத்து வகை பிரான்டுகளுக்குமான சாப்ட்வேர் தேவைகளை டிசிஎஸ் பூர்த்தி செய்யும்.

ஐரோப்பாவின் மிகப் பெரிய வாகன தயாரிப்பு நிறுவனமான வோக்ஸ்வேகன் ஏஜி நிறுவனத்தின் துணை நிறுவனம்தான் வோக்ஸ்வேகன் யுகே என்பது குறிப்பிடத்தக்கது.