1750 ஊழியர்களை நீக்கிய நைக் ஷூ நிறுவனம்

சான்பிரான்சிஸ்கோ: உலகின் முன்னணி தடகள ஷூ தயாரிப்பு நிறுவனமான நைக் நிறுவனம், 1750 ஊழியர்களை வேலையிலிருந்து நீக்கியுள்ளது. நைக் நிறுவன வரலாற்றிலேயே ஒரே சமயத்தில் இவ்வளவு அதிகமான ஊழியர்களை நைக் நீக்கியிருப்பது இதுவே முதல் முறையாகும்.

நைக் நிறுவனத்தின் மொத்த ஊழியர் எண்ணிக்கை 35 ஆயிரம் ஆகும்.

பிற நிறுவனங்களுடன் கடுமையாக போட்டியிடும் வகையிலும், செலவுகளைக் குறைக்கும் உத்தேசத்திலும் இந்த ஆள்குறைப்பை மேற்கொண்டிருப்பதாக நைக் நிறுவனம் தெரிவித்துள்ளது.

தனது அமெரிக்க தலைமையகத்தி்ல 6800 ஊழியர்கள் வேலையில் இருப்பதாக நைக் நிறுவனம் தெரிவித்துள்ளது.

ஏற்கனவே சீனா, வியட்நாமில் தனது உற்பத்தியை வெகுவாக குறைத்துள்ளது நைக். செலவுக் குறைப்பு நடவடிக்கையாக இதை மேற்கொண்டது.

இந்த நிலையில், 1750 ஊழியர்களை நீக்கியுள்ளது.