வருணை எதிர்த்த அனைவரின் டெபாசிட் காலி!

பிலிபிட்: உ.பி. மாநிலம் பிலிபிட் தொகுதியில் வருண் காந்தி போட்டியிட்ட பிலிபித் தொகுதியில் வருண் காந்தியைத் தவிர மற்ற அனைத்து வேட்பாளர்களும் டெபாசிட் தொகையை இழந்தனர்.

இவர்களில் காங்கிரஸ், பகுஜன் சமாஜ் வேட்பாளர்களும் அடக்கம் என்பது குறிப்பிடத்தக்கது.

வருண் காந்தி இத்தேர்தலில் 4,19,539 வாக்குகள் பெற்று, 2,81,501 வாக்கு வித்தியாசத்தில் வெற்றி பெற்றார்.

காங்கிரஸ் கட்சிக்கு 2வது இடமும், சமாஜ்வாடிக் கட்சிக்கு 3வது இடமும், பகுஜன் சமாஜ் கட்சிக்கு 4வது இடமும் கிடைத்தது.

வருண் காந்தியைத் தவிர மற்ற வேட்பாளர்கள் அனைவரும் டெபாசிட் தொகையை இழந்துள்ளனர்.

மேனகா காந்தி வெற்றி...

உத்தரப் பிரதேச மாநிலம் ஆன்லோ தொகுதியில் போட்டியிட்ட பாஜக வேட்பாளரும் வருண் காந்தியும் தாயாருமான மேனகா காந்தி முதலில் 22 ஆயிரம் வாக்குகள் வித்தியாசத்தில் தோல்வியடைந்ததாக அறிவிக்கப்பட்டது.

பின்னர் வாக்கு எண்ணிக்கையில் குளறுபடி ஏற்பட்டது கண்டுபிடிக்கப்ப்டடு, மறுவாக்கு எண்ணிக்கை நடந்தது. இறுதியில் மேனகா காந்தி 6,400 வாக்குகள் வித்தியாசத்தில் வென்றதாக அறிவிக்கப்படடது.

இதையடுத்து இம்முறை நாடாளுமன்றத்துக்கு சோனியா காந்தி, ராகுல் காந்தி, மேனகா காந்தி, வருண் காந்தி என நான்கு காந்திகள் செல்ல இருக்கின்றனர்.