For Daily Alerts
Just In
வட்டியில்லா வீட்டுக் கடன்-ரத்து செய்த இன்போசிஸ்
பெங்களூர்: தனது ஊழியர்களுக்கு வழங்கி வந்த வட்டியில்லா வீட்டு கடன் திட்டத்தை இன்பேசிஸ் வரும் ஜூலை முதல் தேதி முதல் ரத்து செய்ய இருக்கிறது.
இந்தியாவின் டாப்-3 தகவல் தொழில்நுட்ப நிறுவனங்களில் ஒன்றான இன்போசிஸ் தனது ஊழியர்களுக்கு (5 ஆண்டுகளுக்கு மேல் வேலை பார்த்தவர்களுக்கு) வட்டியில்லாமல் வழங்கி வந்த வீட்டு வசதி கடனை நிறுத்தவுள்ளது.
இது வரும் ஜூலை 1ம் தேதி முதல் நடைமுறைக்கு வரும் என நிறுவனத்தில் உள்ள அனைவருக்கும் இ-மெயில் அனுப்பப்பட்டுள்ளதாகத் தெரிகிறது.
இதுவரை இன்போசிஸ் நிறுவனம் இந்த வீட்டு கடன் திட்டம் மூலம் சுமார் 2,000 பேருக்கு ரூ. 80 கோடி வரை வழங்கியுள்ளது குறிப்பிடத்தக்கது.
வட்டியில்லா கடனை நிறுத்தியுள்ள இந் நிறுவனம் அதே நேரத்தில் குறைந்த வட்டியில் கடன் கொடுக்க உத்தேசித்து வருவதாகத் தெரிகிறது.
Story first published: Thursday, May 21, 2009, 13:26 [IST]