அமெரிக்காவில் மேலும் 1000 பணியாளர்களை அமர்த்தும் இன்போஸிஸ்
சியாட்டில்: இந்தியாவின் முன்னணி ஐடி நிறுவனமான இன்போஸிஸ் 1000 பணியாளர்களை தனது அமெரிக்க கிளை விரிவாக்கத்துக்காக பணியமர்த்துகிறது.
இத்தகவலை சியாட்டிலில் நடந்த பத்திரிகையாளர் சந்திப்பில் இன்போஸிஸ் தலைமை நிர்வாக அலுவலர் கிரிஷ் கோபாலகிருஷ்ணன் தெரிவித்தார்.
அடுத்த 12 முதல் 18 மாதங்களுக்குள் இந்தப் பணியாளர்களை நியமித்துவிடுவோம் என்று அவர் தெரிவித்தார்.
இதன்மூலம் நிறுவனத்தின் மொத்தப் பணியாளர் எண்ணிக்கை 104000ஆக உயர்ந்துள்ளது என்றும் இவர்களில் 14000 பேர் அமெரிக்க கிளைகளில் இருப்பதாகவும் தெரிவித்தார்.
அதிகப் பணியாளர் சேர்க்கை தங்களுக்கு சுமையில்லை என்றும், திறமையாளர்கள் நிறைய இருந்தால் சிறப்பாக பணிகளைச் செய்ய முடியும் என்பது இன்போஸிஸ் தத்துவம் என்றும் கோபாலகிருஷ்ணன் கூறினார்.
இந்தியப் பொருளாதார மீட்சி குறித்து கருத்து தெரிவிக்கையில், இந்தியாவில் மிக மிக சீக்கிரமாகவே மீட்சிக்கான அறிகுறி தெரிவதாகவும், அதற்குக் காரணம், அமெரிக்காவை விட சிறப்பான பொருளாதாரக் கட்டமைப்பு இந்தியாவில் இருப்பதாகவும் அவர் கூறினார்.