தேர்தலால் அம்பானிகள் குழும சொத்து ரூ. 90,000 கோடி உயர்வு

மும்பை: இந்தத் தேர்தல் முடிவுகளால் யாருக்குப் பலன் இருந்ததோ இல்லையோ... அம்பானி குழுமம் அடித்தது ஜாக்பாட்.

தேர்தல் முடிவுகள் வெளியான பிறகு துவங்கிய வர்த்தக நேரத்தில் ஜஸ்ட் இரண்டு நாட்களில் முகேஷ் மற்றும் அனில் அம்பானிகள் குழுமத்தின் சொத்து மதிப்பு மட்டும் ரூ.90,000 கோடி உயர்ந்துள்ளது.

இன்றைய மதிப்பீட்டின் படி அனில் அம்பானி குழும சொத்து மதிப்பு இந்த தேர்தல் முடிவுக்குப் பிந்தைய பங்கு வர்த்தகத்தில் 35 சதவிகிதம் வரை உயர்ந்துள்ளது.

முகேஷ் அம்பானியின் சொத்துக்கள் மதிப்பு 20 சதவிகிதத்துக்கும் மேல் உயர்ந்துள்ளது.

இதனால் இந்திய பங்குச் சந்தையில் சமீபத்தில் கிடைத்த மொத்த லாபத்தில் 12 சதவிகிதம் அம்பானிகளுக்கு சொந்தமான 9 நிறுவனங்களுக்கே கிடைத்துள்ளது.