லட்சுமி மித்தல் சம்பளம் 15% குறைப்பு!
ஆர்செலார் மித்தல் நிறுவனத்தின் தலைமைப் பொறுப்பிலிருக்கிறார் லட்சுமி மித்தல். இதில் இவரது மகன் மற்றும் மகள் ஆகியோர் இயக்குநர்களாக உள்ளனர்.
தொடர் லாப சரிவு மற்றும் பங்குகளின் விலைச் சரிவு காரணமாக நிறுவனத்தின் தலைமைப் பொறுப்பில் உள்ள அதிகாரிகளின் சம்பளத்தைக் குறைக்க இயக்குநர் குழு முடிவு செய்தது.
இப்போது தலைமைப் பொறுப்பில் உள்ள லட்சுமி மித்தல் மற்றும் இயக்குநர்கள் அனைவரது ஆண்டு சம்பளத்திலும் 15 சதவிகிதம் குறைக்கப்பட்டுள்ளதாக அறிவித்துள்ளது. கடந்த பிரவரி மாதம் முதல் அமலுக்கு வரும் வகையில் இந்த உத்தரவு செயல்படுத்தப்படுகிறது.
மித்தலுக்கு ஆண்டு சம்பளமாக 19,16,000 அமெரிக்க டாலரும், ஆண்டு போனஸாக 22 லட்சம் டாலரும், இதர வகையில் 60 ஆயிரம் டாலரும் தரப்பட்டு வந்தது.
இயக்குநர்களுக்கு 120000 ஈரோ சம்பளமாகவும், ஒவ்வொரு இயக்குநர் குழு கூட்டத்துக்கு 2000 ஈரோவும் தரப்படுகிறது.