மத்திய கேபினட் செயலாளருக்கு பதவி நீட்டிப்பு

டெல்லி: கேபினட் செயலர் கேஎம் சந்திரசேகரின் பதவி காலத்தை ஓர் ஆண்டு நீட்டித்து மத்திய அரசு உத்தரவிட்டுள்ளது.

கேரளாவை சேர்ந்த 1970ம் ஆண்டு ஐஏஎஸ் அதிகாரியான கே.எம். சந்திரசேகர் கடந்த 2007ல் இந்தியாவின் உயர் பதவிகளில் ஒன்றான கேபினட் செயலாளராக நியமிக்கப்பட்டார்.

தற்போது 61 வயதாகும் அவரது பதவி காலம் வரும் ஜூன் 13ம் தேதியுடன் முடிவடைகிறது.

இந்நிலையில் தற்போது செயல்பட்டு வரும் சில சமுதாய வளர்ச்சி பணிகளை அதே வேகத்தில் தொடர்ந்து நிறைவேற்ற வேண்டும் என்ற நோக்கத்தில் அவரது பதவி ஓராண்டுக்கு நீட்டிக்க பட்டிருப்பதாக மத்திய அரசின் செய்தி ஒன்று தெரிவித்துள்ளது.