ராஜ்யசபா எதிர்க்கட்சி தலைவர் அருண் ஜேட்லி

டெல்லி: பாஜக ராஜ்யசபா எதிர்க்கட்சித் தலைவராக அருண் ஜேட்லி நியமிக்கப்பட்டுள்ளார். அதே போல மக்களவை எதிர்க் கட்சித் துணைத் தலைவராக சுஷ்மா சுவராஜ் நியமனம் செய்யப்பட்டுள்ளார்.

தேர்தலில் பாஜக தோற்றதையடுத்து மக்களவை எதிர்க்கட்சி தலைவராக தொடர விருப்பமில்லை என்று அக் கட்சியின் பிரதமர் வேட்பாளர் அத்வானி தெரிவித்திருந்தார்.

ஆனாலும் கட்சியினரின் கோரிக்கையைத் தொடர்ந்து அந்தப் பதவியை ஏற்க முன் வந்தார். இதையடுத்து முறைப்படி அவர் எதிர்க்கட்சித் தலைவராக தேர்ந்தெடுக்கப்பட்டார்.

இந் நிலையில் மாநிலங்களவையின் எதிர்க் கட்சித் தலைவராக அருண் ஜேட்லியும், மக்களவையின் எதிர்க்கட்சித் துணைத் தலைவராக சுஷ்மா சுவராஜும் நியமிக்கப்பட்டுள்ளனர்.

மேலும் மாநிலங்களவையில் எதிர்க் கட்சித் துணைத் தலைவராக எஸ்.எஸ். அலுவாலியா இருப்பார் என அறிவிக்கப்பட்டுள்ளது.