பணவீக்கம் 0.13 சதவீதமாகக் குறைவு

மும்பை: இந்தியாவின் ஆண்டு பணவீக்க விகிதம் 0.13 சதவீததமாகக் குறைந்துவிட்டது. மே 30 ம் தேதியுடன் முடிவடைந்த வாரத்துக்கான மொத்த விலைக் குறியீட்டெண் விகிதப்படி இந்த விகிதம் கணக்கிடப்பட்டுள்ளது.

பல்வேறு உற்பத்திப் பொருட்கள் மற்றும் முதன்மைப் பொருட்களின் விலை 0.1 சதவிகிதம் உயர்ந்துள்ளது கடந்த வாரத்தில்.

ஆனால் எரிபொருட்கள், மின்சாரம் போன்றவற்றின் விலையில் மாறுதல் இல்லை.

உணவுப் பொருட்கள், காகிதங்கள், உலோகமல்லாத பொருட்களின் விலையில் ஏற்றம் காணப்பட்டது. ரப்பர், பிளாஸ்டிக், உலோகங்கள் மற்றும் எந்திர பாகங்களின் விலையில் வீழ்ச்சி காணப்பட்டது.

கடந்த ஆண்டு இதே காலகட்டத்தில் 8 சதவீதத்துக்கும் அதிகமாக இருந்தது பணவீக்கம்.