முதல்வர் கருணாநிதி மாமல்லபுரம் சென்றார்-ஓய்வு

சென்னை: முதல்வர் கருணாநிதி ஓய்வுக்காக மாமல்லபுரம் சென்றுள்ளார். சில நாட்கள் அவர் அங்கு தங்கியிருப்பார் எனத் தெரிகிறது.

உடல் நலக்குறைவு, மருத்துவமனை வாசம், தேர்தல் பணிகள், பின்னர் ஆட்சியமைப்புப் பணிகள் என தொடர்ந்து கடும் பிசியாக இருந்து வந்தார் முதல்வர் கருணாநிதி.

தற்போது துணை முதல்வர் பதவியை உருவாக்கி முதல்வர் பணியின் பாதிப் பளுவை மு.க.ஸ்டாலின் வசம் கொடுத்து விட்டார்.

இந்த நிலையில் ஓய்வுக்காக மூத்த அமைச்சர்கள் சிலருடன் முதல்வர் கருணாநிதி மாமல்லபுரம் சென்றுள்ளார். அங்கு சில நாட்கள் தங்கி ஓய்வெடுத்து விட்டு பின்னர் அவர் சென்னை திரும்புவார்.