சென்னையில் மாபெரும் டைட்டன் ஷோரூம்!

டாடாவின் டைட்டன் நிறுவனத்தின் அங்கமான தனிஷ்க் அடுத்தமாதம் சென்னையில் பெரிய ஷோரூம் ஒன்றைத் திறக்க திட்டமிட்டுள்ளது.

தற்போது சென்னையில் 22000 சதுர அடி பரப்பளவில் ஒரு தனிஷ்க் ஷோரூம் இயங்கி வருகிறது. நாட்டிலேயே தனிஷ்க் நிறுவனத்தின் பெரிய ஷோரூம் இதுதான். இதை மிஞ்சும் வகையில் இதே போல 4 பெரிய ஷோரூம்களை விரைவில் தனிஷ்க் திறக்கிறது.

அதற்கான இடங்கள் குறித்து இன்னும் முடிவு செய்யப்படவில்லை. அதே நேரம் சென்னை தவிர்த்த பிற நகரங்களில் இதுபோன்ற ஷோரூம்களைத் திறக்கும் திட்டம் இந்த ஆண்டு இல்லை என மண்டல வர்த்தக மேலாளர் வித்யாசாகர் அறிவித்துள்ளார்.

புதிய ஷோரூம் அமைக்கும் பணி அடுத்த மாதத்துக்குள் முடிந்துவிடும் என்றும், தீபாவளிக்கு கூடுதலாக புதிய நகைகள் மற்றும் வைர நகை கலெக்ஷன்களை இந்த ஷோரூம்களில் வைக்கும் திட்டமுள்ளதாகவும் வித்யாசாகர் தெரிவித்துள்ளார்.

இந்த ஆண்டு முதல் 40 சதவிகித அளவுக்கு வைர நகைகளை தனிஷ்க் ஷோரூம்களைப் பார்க்கலாம் என்றும் அவர் தெரிவித்தார்.