17ம் தேதி அதிமுக எம்எல்ஏக்கள் ஆலோசனை

சென்னை: சட்டசபைக் கூட்டத் தொடர் தொடங்குவதையொட்டி அதிமுக எம்.எல்.ஏக்களின் ஆலோசனைக் கூட்டம் வருகிற 17ம் தேதி நடைபெறுகிறது.

17ம் தேதி சட்டசபை கூடுகிறது. இதையொட்டி கூட்டத் தொடரில் நடந்து கொள்ள வேண்டியது குறித்து விவாதிக்க கட்சியின் எம்.எல்.ஏக்கள் கூட்டத்தை பொதுச் செயலாளர் ஜெயலலிதா கூட்டியுள்ளார்.

ஏற்கனவே ஓ.பன்னீர் செல்வம் உள்ளிட்ட நிர்வாகிகளை தான் தற்போது தங்கி ஓய்வெடுத்து வரும் கொடநாடு பண்ணை இல்லத்திற்கு வரவழைத்து ஆலோசித்துள்ளார் ஜெயலலிதா.

இதையடுத்து கட்சியின் பிற எம்.எல்.ஏக்களுடன் ஜெயலலிதாவின் கருத்துக்களைப் பகிர்ந்து கொள்வதற்காக 17ம் தேதியன்று அதிமுக எம்.எல்.ஏக்கள் கூட்டம் கூட்டப்பட்டள்ளது.

அன்று காலை 8 மணி முதல் 9 மணி வரை சென்னையில் உள்ள கட்சி தலைமையகத்தில் ஆலோசனை நடைபெறும். பின்னர் அனைவரும் அங்கிருந்து கிளம்பி சட்டசபை செல்வார்கள்.