ட்விட்டர் மூலம் ஆபரேஷனை 'லைவ்' செய்த டாக்டர்

சென்னை: ட்விட்டர் சேவை மூலம் தான் செய்த அறுவைச் சிகிச்சை குறித்து லைவ் கமென்ட்ஸ் கொடுத்துள்ளார் சென்னையைச் சேர்ந்த ஒரு டாக்டர்.

ட்விட்டர் என்பது ஒரு மெசேஜிங் சேவையாகும். இதை எந்த அளவுக்கு பயன்படுத்த முடியும் என்பதை சென்னை டாக்டர் ஒருவர் அழகாக நிரூபித்துள்ளார்.

அந்த டாக்டரின் பெயர் ஏ.கே.வெங்கடாச்சலம். எலும்பு முறிவு சிகிச்சை நிபுணர். ஜூன் 18ம் தேதி இவர் சென்னையில் ஒரு முழங்கால் அறுவைச் சிகிச்சையை மேற்கொண்டார்.

அந்த அறுவைச் சிகிச்சை குறித்து அவ்வப்போது ட்விட்டர் மூலம் தனது மாணவர்களுக்கு தகவல் அனுப்பி வந்துள்ளார். இதன் மூலம் அறுவைச் சிகிச்சையை நேரில் பார்த்த அனுபவத்தைப் பெற்றுள்ளனர் அந்த மாணவ, மாணவியர்.

ட்விட்டர் மூலம் உடனுக்குடன் மாணவர்களுக்கு அறுவைச் சிகிச்சை குறித்த தகவல்களைத் தெரிவித்து, அவர்களுடைய சந்தேகங்களையும் போக்கி அசத்தியுள்ளார் இந்த டாக்டர்.