பாஜகவிலிருந்து காசிமுத்து மாணிக்கம் நீக்கம்

மதுரை: பாஜக இலக்கிய அணியின் மாநில பார்வையாளர் காசிமுத்து மாணிக்கம் தற்காலிகமாக கட்சியிலிருந்து நீக்கப்பட்டிருப்பதாக அக்கட்சியின் அலுவலகச் செயலாளர் வடிவேலு தெரிவித்துள்ளார்.

இது குறித்து வடிவேலு வெளியிட்ட அறிக்கை:

பாஜக இலக்கிய அணியின் மாநில பார்வையாளராக காசிமுத்து மாணிக்கம் செயல்பட்டு வந்தார். அவர் கடந்த சில நாட்களாக கட்சிக்கு ஊறுவிளைவிக்கும் வகையில் பகிரங்கமாக செயல்பட்டு வருகிறார்.

கட்சியின் பெயருக்கும், கட்சியின் தலைவர்கள் பெயருக்கும் களங்கம் விளைவிக்கும் வகையில் ஊடகங்கள் மூலமாக கருத்துக்களை தெரிவித்துள்ளார்.

எனவே கட்சியின் விதி முறைப்படி அவர் மீது ஒழுங்கு நடவடிக்கை எடுக்கப்படுகிறது.

இதனால், அவர் கட்சியின் அடிப்படை உறுப்பினர் மற்றும் அனைத்து பொறுப்புகளிலிருந்தும் உடனடியாக மாநிலத் தலைவரால் தற்காலிக இடை நீக்கம் செய்யப்படுகிறார் என அந்த அறிக்கையில் தெரிவித்துள்ளார்.