For Daily Alerts
Just In
புதுச்சேரி எம்பி சீட்டை கேட்கவில்லை-திமுக
சென்னை: புதுச்சேரி மாநிலங்களவை எம்பி பதவியை நாங்கள் கோரியுள்ளதாக வெளிவந்த செய்திகளில் துளியளவும் உண்மையில்லை என்று திமுக தலைமைக் கழகம் மறுத்துள்ளது.
இது குறித்து திமுக வெளியிட்டுள்ள அறி்க்கையில்,
புதுச்சேரியில் காலியாக இருக்கும் ராஜ்யசபா எம்பி சீட்டை திமுக கோரியுள்ளதாக செய்தி வெளிவந்துள்ளது. இல்லாத செய்திகளைப் பரப்புவதும், சொல்லாத விஷயங்களை வெளியிடுவதும் சில பத்திரிகைகளின் வாடிக்கையாக இருக்கிறது.
புதுச்சேரியில் காலியாக இருக்கும் மாநிலங்களவை உறுப்பினர் இடத்தை பற்றி திமுக தலைமையிலிருந்தும், டெல்லியிலுள்ள காங்கிரஸ் தலைமையிடமிருந்தும் எந்த விதமான கருத்தும் வெளியிடப்படாத சூழ்நிலையில் புதுவையில் உள்ள யாரோ சில கட்சிக்காரர்கள் கருத்தாக இந்த செய்தி பரப்பப்படுகிறதே தவிர, இதில் சிறிதளவும் ஆதாரமான உண்மையில்லை என்று கூறப்பட்டுள்ளது.
Story first published: Thursday, June 25, 2009, 10:05 [IST]