அமெரிக்க ஆடை நிறுவனத்தை வாங்கியது எஸ்.குமார்ஸ்

டெல்லி: இந்தியாவின் முன்னணி ஜவுளி நிறுவனமான எஸ். குமார்ஸ் நிறுவனம், அமெரிக்காவைச் சேர்ந்த ஹார்ட்மார்க்ஸ் கார்ப்பரேஷன் நிறுவனத்தை 120 மில்லியன் டாலர் விலைக்கு வாங்கியுள்ளது.

இதுகுறித்து எஸ்.குமார்ஸ் வெளியிட்டுள்ள அறிக்கையில், எஸ்.குமார்ஸ் வட அமெரிக்கா என்ற எங்களது துணை நிறுவனத்தின் மூலம் இந்த விற்பனை நடந்துள்ளது.

சிகாகோவை தலைமையிடமாகக் கொண்ட ஹார்ட்மார்க்ஸ் நிறுவனத்தை 120 மில்லியன் டாலருக்கு கையகப்படுத்தியுள்ளோம்.

இந்த விற்பனைத் தொகையில் 35 மில்லியனை எஸ்.குமார்ஸ் நிறுவனம் நேரடியாக வழங்குகிறது.

இந்த விற்பனை மூலம் அமெரிக்காவின் முன்னணி ஜவுளி நிறுவனங்களில் ஒன்றாக எஸ்.குமார்ஸ் உருவெடுத்துள்ளது. இந்த நிறுவனத்தின் வசம் (இணைப்புக்குப் பின்னர்) 34 ஆடை வடிவமைப்பு பிராண்டுகள் உள்ளன என்பது குறிப்பிடத்தக்கது.