சென்னையில் ஏர் இந்தியா விமான நேரங்களில் மாற்றம்

சென்னை: சென்னையிலிருந்து செல்லும், வரும் ஏர் இந்தியா நிறுவனத்தின் சர்வதேச விமானங்களின் நேரம் மாற்றியமைக்கப்பட்டுள்ளது.

சென்னை விமான நிலையத்தில் விரிவாக்கப் பணிகள் நடந்து வருகின்றன. அதன் ஒரு பகுதியாக புதிதாக ஒரு ரன்வே உருவாக்கப்பட்டு வருகிறது. இந்த ரன்வேயை முக்கிய ரன்வேயுடன் இணைக்கும் பாதை அமைக்கப்படவுள்ளது.

இதற்காக ஜூலை 1ம் தேதி முதல் செப்டம்பர் 15ம் தேதி வரை விமான நிலையத்தின் முக்கிய ரன் வே தினசரி 6 மணி நேரத்திற்கு மூடப்படுகிறது.

இதையொட்டி விமானங்களின் வருகை மற்றும் புறப்பாட்டு நேரத்தில் மாற்றம் செய்யப்பட்டுள்ளது.

தினசரி காலை 11 மணி முதல் மாலை 5 மணி வரை முக்கிய ரன்வே மூடப்பட்டிருக்கும். மற்ற நேரங்களில் அது போக்குவரத்துக்கு திறந்து விடப்படும்.

இதன் அடிப்படையில் விமானங்களின் புறப்பாடு, வருகை நேரங்கள் மாற்றப்பட்டுள்ளன. இந்த நேர மாற்றத்துக்கு கிட்டத்தட்ட அனைத்து விமான நிறுவனங்களும் ஒப்புதல் கொடுத்துள்ளனவாம்.

இந்த நேர மாற்றம் காரணமாக விமானப் போக்குவரத்தில் எந்தவித பாதிப்பும் ஏற்படாது என விமான நிலைய ஆணையகம் தெரிவித்துள்ளது.

உள்ளூர் விமானங்களின் வருகை மற்றும் புறப்பாடு காலை 11 மணிக்குள்ளும், பிற்பகல் 5 மணிக்கு மேலும் இருக்குமாறு நேரம் மாற்றி அமைக்கப்பட்டுள்ளது.

சென்னை - சிங்கப்பூர் இடையிலான ஐசி 555 விமானம் இந்தக் காலகட்டத்தில் சென்னையிலிருந்து 12.50 மணிக்குப் பதில் 12.15 மணிக்குக் கிளம்பும்.

ஐசி 566 காலை 9.45 மணிக்குப் பதில் 9 மணிக்கு வந்து சேரும்.

அதேபோல, ஐசி 557 சென்னையிலிருந்து சிங்கப்பூருக்கு பிற்பகல் 1.25 மணிக்குப் பதில் 10.15க்குக் கிளம்பும். சிங்கப்பூரிலிருந்து சென்னைக்கு வரும் ஐசி 558 விமான நேரத்தில் மாற்றம் இல்லை.

ஏஐ 817 சென்னையிலிருந்து டமாமுக்கு காலை 11.45 மணிக்குப் பதில் 10.30க்குக் கிளம்பிச் செல்லும்.

சென்னை - கோலாலம்பூர் இடையிலான ஏர் இந்தியா எக்ஸ்பிரஸ் 9 -622 விமானம் பிற்பகல் 2.30க்குப் பதில் 12.30மணிக்கு சென்னையிலிருந்து புறப்பட்டுச் செல்லும்.

பிளைட் 9-671 சென்னை - கொழும்பு விமானம் காலை 7.30 மணிக்குப் பதில் 5.15 மணிக்குப் புறப்பட்டுச் செல்லும்.

ஐசி 611 சென்னை - துபாய் மார்க்கத்திலான விமானம் பிற்பகலுக்குப் பதில் காலை 9.55 மணிக்குப் புறப்பட்டுச் செல்லும்.

அதேபோல, IX 631 சென்னை - துபாய் விமானம் முற்பகல் 11.35 மணிக்குப் பதில் 10.30 மணிக்குப் புறப்பட்டுச் செல்லும்.

IX 682 விமானம் சென்னையிலிருந்து சிங்கப்பூருக்கு பிற்பகல் 2.10 மணிக்குப் பதில் 11.05 மணிக்குப் புறப்பட்டுச் ெசல்லும்.

IX 684 விமானம் பிற்பகல் 2.25 மணிக்குப் பதில் காலை 9.40 மணிக்குக் கிளம்பும்.

ஏர் இந்தியா எக்ஸ்பிரஸ் IX 613 விமானம் பிற்பகல் 12.50 மணிக்குப் பதில் காலை 10.25 மணிக்கு அபுதாபிக்குப் புறப்பட்டுச் செல்லும் என அறிவிக்கப்பட்டுள்ளது.