பயிற்சி டாக்டர்கள் ஸ்டிரைக்-உண்ணாவிரதம்

சென்னை: அரசு மருத்துவக் கல்லூரியில் பணியாற்றும் பயிற்சி டாக்டர்கள், பட்ட மேற்படிப்பு படிக்கும் டாக்டர்கள் இன்று முதல் காலவரையற்ற வேலைநிறுதத போராட்டத்தில் ஈடுபட்டுள்ளனர்.
இப்போது பயிற்சி டாக்டர்களுக்கு உதவித் தொகையாக ரூ.4,500ம் பட்ட மேற்படிப்பு படிப்பவர்களுக்கு ரூ.8000ம் வழங்கப்படுகிறது.

இதை மற்ற மாநிலங்களில் வழங்குவது போல ரூ.10,000 மற்றும் ரூ.25,000 ஆக உயர்த்த வேண்டும் என்று கோரி தமிழ்நாடு முழுவதும் உள்ள அரசு மருத்துவக் கல்லூரிகளில் பயிற்சி டாக்டர்கள் இன்று உண்ணாவிரதப் போராட்டத்தில் ஈடுபட்டுள்ளனர்.

உதவித் தொகையை உயர்த்தி வழங்கும் வரை போராட்டத்தை கைவிட மாட்டோம் என்றும் அறிவித்துள்ளனர்.

இதனால் அரசு மருத்துவமனைகளில் நோயாளிகளுக்கு சிகிச்சை அளிப்பதில் சிக்கல் ஏற்படும் என்று தெரிகிறது.