'ஜோல்னா' பையில் வந்த ரயில்வே பட்ஜெட்!
டெல்லி: வழக்கமாக பெரிய சூட்கேஸில் பட்ஜெட் பேப்பர்களை வைத்து அதை தூக்கிப் பிடித்து புகைப்படக்கார்ரகளுக்கும், டிவி கேமராக்களுக்கும் புன்னகை ததும்ப போஸ் கொடுப்பது நம்ம அமைச்சர்களின் வழக்கம். ஆனால் மமதா பானர்ஜி படு வித்தியாசமானவராச்சே, வித்தியாசமாக தனது பட்ஜெட் பேப்பர்களைக் கொண்டு வந்தார்.
வழக்கமாக சூட்கேஸில் போட்டு பட்ஜெட் உரையைக் கொண்டு வராமல் தனது வழக்கமான ஜோல்னாப் பையில் வைத்து படு கேஷுவலாக வந்தார் மமதா.
ஏதோ தாசில்தார் ஆபிஸுக்கு வருவதைப் போல படு கேஷுவலாக தோளில் ஜோல்னாவைத் தொங்கப் போட்டுக் கொண்டு அவர் வந்ததைப் பார்த்து அனைவரும் வியந்து போயினர்.
அதேபோல அவர் வந்த காரும் கூட படு எளிமையாக இருந்தது. அவருக்குச் சொந்தமான மாருதி ஜென் காரில்தான் வந்திறங்கினார் மமதா. அரசு கொடுத்த காரை அவர் பயன்படுத்துவதில்லை என்பது குறிப்பிடத்தக்கது.
இவரெல்லாம் அமைச்சரா என்று சிலரைப் பார்த்து நாம் வேதனை அடையும் நிலையில், இப்படியும் அமைச்சரா என்று வியக்க வைத்து விட்டார் மமதா..