• search
For Quick Alerts
ALLOW NOTIFICATIONS  
For Daily Alerts

ஆலோசனை வழங்குங்கள்-ஸ்டாலின் வேண்டுகோள்

By Staff
|

Stalin
சென்னை: துணை முதல்வர் என்ற பெயரில் தனக்குத் தரப்பட்டுள்ள கூடுதல் பணிகளை திறம்பட மேற்கொள்ளத் தேவையான ஆலோசனைகளையும், அறிவுரைகளையும் பொதுமக்கள் வழங்குமாறு தனது பிளாக் மூலம் கோரிக்கை விடுத்துள்ளார் துணை முதல்வர் மு.க.ஸ்டாலின்.

மு.க.ஸ்டாலின் தனக்கென பிரத்யேகமாக ஒரு பிளாக்கை (www.mkstalin.net) வைத்துள்ளார். அதில் பொதுமக்களுக்கு ஒரு கோரிக்கை விடுத்து கட்டுரை வடித்துள்ளார்.

அதில் ஸ்டாலின் கூறியிருப்பதாவது..

துணை முதல்வராகப் பொறுப்பேற்று இருப்பதை தமிழினத்துக்குப் பணியாற்றக் கிடைத்த கூடுதல் வாய்ப்பாக நினைக்கிறேன்.

வேகமாக வளர்ந்து வரும் உலகில் தொழில் வளர்ச்சி முக்கியமானது. முதல்வர் கருணாநிதியின் வழியில் தொழில் வளர்ச்சியை மேலும் வேகப்படுத்த வேண்டும் என்பதை கடமையாகக் கருதுகிறேன்.

தமிழகத்தில் இளைஞர்களுக்கு வேலைவாய்ப்பு அளிக்கும் வகையில் தொடங்கப்படும் தொழிற்சாலைகளுக்கு அதிக சலுகைகள் அளிக்க முடிவு செய்யப்பட்டுள்ளது. இதனால், தொழில் உற்பத்தி பெருகுவதுடன், இளைஞர்களுக்கு வேலை வாய்ப்பும் பெருகும்.

தமிழக முதல்வர் கருணாநிதி எனக்கு கூடுதல் பொறுப்பினை அளித்திருக்கிறார். இந்தப் பணியைச் சிறப்பாகச் செய்திட மக்களின் உதவியை நாடுகிறேன். அவர்களது பங்கேற்பை வரவேற்கிறேன்.

இளைஞர்களும், மகளிரும், பல்வேறு துறையைச் சேர்ந்தவர்களும் தங்களது கருத்துகள், ஆலோசனைகளை வழங்க வேண்டும் என்று கோரிக்கை விடுத்துள்ளார் ஸ்டாலின்.

ஆலோசனைகளை வரவேற்ற முதல் தலைவர்...

பொதுமக்களிடமிருந்து ஆலோசனைகள், அறிவுரைகளைக் கோரி பிளாக் மூலம் வேண்டுகோள் விடுத்துள்ள முதல் தமிழக அரசியல் தலைவர் மு.க.ஸ்டாலின்தான்.

இதுவரை எந்தத் தலைவரும் இதுபோல மக்களிடம் வேண்டுகோள் விடுத்ததில்லை என்பது குறிப்பிடத்தக்கது.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X