கச்சா எண்ணெய் விலை மீண்டும் குறைந்தது

சிங்கப்பூர்: கச்சா எண்ணெய் விலை மீண்டும் குறைந்துள்ளது. முன்பு ஒரு பேரல் 73 டாலர்களாக இருந்த கச்சா எண்ணெய் விலை இப்போது 68 முதல் 69 டாலர்களாக குறைந்து விட்டது.

அமெரிக்காவில் பெட்ரோல் மற்றும் டீஸலுக்கான தேவை உயர்ந்தாலும், அந்நாடு இப்போதும் பொருளாதார மந்தத்தில் சிக்கித் தவிப்பதால் எதிர்பார்க்கப்பட்ட அளவு தேவை அதிகரிக்கவில்லை. எனவே மீண்டும் கச்சா எண்ணெய் விலை குறைந்துவிட்டது.

கடந்த இரு தினங்களாகவே விலை வீழ்ச்சி காணப்படுகிறது.

கச்சா எண்ணெய் விலை உயர்ந்துவிட்டதைக் காரணம் காட்டி இந்தியாவில் பெட்ரோல் - டீஸல் விலையை அரசு உடனடியாக அதிக அளவு உயர்த்திவிட்டது மத்திய அரசு.

விலை லேசாக உயர்ந்தாலும் உள்நாட்டில் உடனடியாக பெட்ரோலியப் பொருட்களின் விலையை உயர்த்தும் அரசு, இப்போது விலை குறைந்துவிட்ட பிறகு கண்டுகொள்ளாமல் இருப்பது குறிப்பிடத்தக்கது.

நேற்றைய நிலவரப்படி நியூயார்க் மெயின் காண்ட்ராக்டில் லைட் ஸ்வீட் க்ரூட் விலை 69.45 டாலராகவும், பெண்ட் நார்த் ஸீ க்ரூட் 68,89 டாலராகவும் உள்ளது.