பெங்களூர் ஐபிஎம்- குஜராத் அமுல் நிறுவனங்கள் ரூ. 80 கோடி ஒப்பந்தம்

பெங்களூர்: பெங்களூரில் உள்ள ஐபிஎம் நிறுவனமும், குஜராத் மாநில கூட்டுறவு பால் உற்பத்தியாளர் சம்மேளனமும் (அமுல்) ரூ. 80 கோடி மதிப்பிலான ஒப்பந்தத்தை மேற்கொண்டுள்ளன.

பத்து ஆண்டுகளுக்கு இந்த ஒப்பந்தம் அமலில் இருக்கும்.

இந்த ஒப்பந்தத்தின் கீழ் அமுல் நிறுவனத்தின் வளர்ச்சித் திட்டங்களுக்கு தகவல் தொழில்நுட்பத்தைதப் பயன்படுத்தி உதவிகரமாக இருக்கும் ஐபிஎம்.

அமுல் நிறுவனத்தின் ஐடி பிரிவை ஐபிஎம் நிறுவனம் 10 ஆண்டுகளுக்கு ஏற்படுத்தி, செயல்படுத்தி வரும்.

இதற்காக ஐபிஎம் தொழில்நுட்பப் பின்னணியிலான சாப் இஆர்பி சாப்ட்வேர் தொழில்நுட்பம் பயன்படுத்தப்படும்.

மேலும் அதி நவீன டேட்டா மையம் ஒன்றையும் அமுல் நிறுவனத்திற்காக ஐபிஎம் உருவாக்கித் தரும்.