சென்னையிலும் இனி மார்ட்டின் ஏர் தரையிறங்கும்

சென்னை: டச்சு கார்கோ விமான நிறுவனமான மார்ட்டின்ஏர் சென்னை நகரையும் தனது சேவைப் பட்டியலில் இணைத்துக் கொண்டுள்ளது.

உலக அளவில் பிரபலமான சரக்கு விமானப் போக்குவரத்து நிறுவனமாகத் திகழ்வது மார்ட்டின் ஏர்.

இந்த நிறுவனம் ஆம்ஸ்டர்டாமிலிருந்து ஹாங்காங்குக்கு இயக்கும் போயிங் 747-400 ரக விமானத்தை சென்னை வழியாக இயக்க முடிவு செய்துள்ளது.

ஆம்ஸ்டர்டாம்-ஷார்ஜா-சென்னை - ஹாங்காங் தடத்தில் வாரம் இருமுறை இந்த நிறுவனம் தனது கார்கோ விமானத்தை இயக்கும்.

சர்வதே வர்த்தகத்தில் இந்தியவின் பெரிய நகரங்களில் ஒன்றான சென்னைக்கு பெரும் முக்கியத்துவம் உள்ளதாலேயே இந்த முடிவு என மார்ட்டின்ஏர் தெரிவித்துள்ளது.

இந்த நிறுவனத்தின் ஆசியா பசிபிக் பிராந்திய நகரங்களில் ஹாங்காங்குக்கு அடுத்து சென்னை முக்கியத்துவம் பெற்றுள்ளது குறிப்பிடத்தக்கது. ஆசியா பசிபிக்கில் 28 நாடுகளில் மார்ட்டின்ஏர் சரக்கு விமானங்கள் இயங்குகின்றன.