மதுரை-கோவை-வேலூரில் ஏசி டவுன் பஸ்

சென்னை: மதுரை, கோவை, திருச்சி, வேலூர் ஆகிய மாவட்டங்களில் குளிர்சாதன நகரப் பேருந்துகள் இயக்கப்படும் என்று போக்குவரத்துத்துறை அமைச்சர் கே.என்.நேரு கூறினார்.

சட்டசபையில் இன்று கேள்வி நேரத்தின்போது பதிலளித்த கே.என்.நேரு,

தமிழ்நாட்டில் அதிக அளவில் குளிர்சாதன பேருந்துகள் இயக்கப்படும். குறிப்பாக மதுரை, கோவை, திருச்சி, வேலூர் ஆகிய மாவட்டங்களில் நகர பேருந்துகளே குளிர்சாதனப் பேருந்துகளாக இயக்கப்படும்.

மேலும் தாழ்தளம் மற்றும் சொகுசுப் பேருந்துகளேயும் அதிகமாக இயக்க முடிவு செய்யப்பட்டுள்ளது. காஞ்சிபுரம், திருவள்ளூர், வேலூர் ஆகிய மாவட்டங்களுக்கு கூடுதலாக 400 புதிய பேருந்துகள் ஒதுக்கப்படும் என்றார்.